Khmer Fengshui: អាថ៌កំបាំងអ្នកឧសភរាសី (កើតនៅចន្លោះថ្ងៃទី២០ ខែមេសា ដល់ថ្ងៃទី២០ ខែឧសភា)

អាថ៌កំបាំងអ្នកឧសភរាសី (កើតនៅចន្លោះថ្ងៃទី២០ ខែមេសា ដល់ថ្ងៃទី២០ ខែឧសភា)

ឧសភរាសី (កើតពីថ្ងៃទី២០ ខែមេសា ដល់ថ្ងៃទី២០ ខែឧសភា)

ឧសភរាសីជាប្រភេទមនុស្សបង្ហាញអារម្មណ៍របស់ខ្លួន ដោយមិនលាក់បាំងអ្វីនោះទេ ពេលគេមិនពេញចិត្ត គឺគេខឹង ហើយពេលគេមានរឿងសប្បាយ គឺគេសើចមិនបិទមាត់ឡើយ បញ្ចេញអារម្មណ៍បែបនេះ ភាគច្រើនគឺមិនបានទន់ភ្លន់ ហើយអាចធ្វើឲ្យគេអន់ចិត្ត ឬ យល់ច្រឡំទៀតផង ។ នៅពេលដែលមានការឈ្លោះប្រកែក អ្នកឧសភរាសីអាចមានពាក្យសំដីធ្វើឲ្យដៃគូឈឺចាប់ក្រៃលែង ។ ពេលដែលសប្បាយ គេឃើញថា ឧសភរាសីញញឹមប្រេមប្រិយ តែពេលដែលគេខឹងម្ដងៗ គ្មានអ្វីអាចធ្វើឲ្យគេហើបមាត់និយាយនោះទេ ។

ចំណុចខ្សោយបំផុតរបស់អ្នកឧសភរាសីគឺងាយទន់ចិត្ត ប្រសិនបើដៃគូចេះប្រើសំដីផ្អែម ហ៊ានសុំទោស ទោះទោសកំហុសមានធំប៉ុណ្ណាក៏ដោយ អ្នកឧសភរាសីអាចលុបចោលទោសភ័យនោះទាំងអស់ ។ ពួកគេក៏ខ្លាចឃើញអ្នកដទៃស្រក់ទឹកភ្នែកណាស់ អ្នកឧសភរាសីមិនត្រឹមតែអាណិតអាសូរទេ គេអាចនឹងទទួលរាល់សំណើរបស់ដៃគូ ឲ្យតែដៃគូកុំយំទៀត ។

អំពីចរិតវិញ អ្នកឧសភរាសីអាចគ្រប់គ្រងបានអារម្មណ៍របស់ខ្លួនល្អណាស់ ។ ពួកគេក៏គោរព និង ការពារភាពថ្លៃថ្នូររបស់អ្នកដទៃដែរ ។ អ្នកឧសភរាសីមិនចូលចិត្តកន្លែងប្លែកទេ ហើយគេក៏មិនចូលចិត្តកន្លែងមានមនុស្សច្រើនអ៊ូអរដែរ គេចូលចិត្តអង្គុយម្នាក់ឯងនៅកន្លែងស្ងាត់ៗ រួចគិតអំពីជីវិតនេះ ។