Khmer Fengshui

ភ្នែកឆ្វេងកក្រើក អ្នកមានអារម្មណ៍ភ័យរន្ធត់ មិនដឹងថានឹងមានរឿងអ្វីនឹងកើតឡើយ ?

តាមបទពិសោធន៍ដែលចាស់ទុំបន្សល់ទុកមក ភ្នែកឆ្វេងកក្រើក ភាគច្រើនគឺមានលាភ តែនៅម៉ោងខុសគ្នា និង មានន័យខុសៗគ្នាដែរ ។ អ្នកគួរចងចាំ ហើយពេលដែលភ្នែកឆ្វេងកក្រើក គ្រាន់តែមើនាឡិកា និង មើលនៅខាងក្រោមនេះ អស់ភ័យ !

មើលបន្ថែ ៖ កក្រើកភ្នែកខាងស្ដាំហេង ឬ ស៊យ ?

ពីម៉ោង២៣ ដល់ម៉ោង ១ ៖ មានញាតិមិត្តដែលទៅឆ្ងាយ ឥឡូវត្រឡប់មករកយើងវិញ ។

ពីម៉ោ១ ដល់ ម៉ោង៣ ៖ អ្នកអាចមានរឿងក្ដៅក្រហាយដែលនាំមកដោយអ្នកក្នុងគ្រួសារ ។

ពីម៉ោង៣ ដល់ ម៉ោង៥ ៖ នឹងមានអ្នកនាំលាភមកឲ្យដល់ផ្ទះ ។

ពីម៉ោង៥ ដល់ ម៉ោង៧ ៖ មានអ្នកកំពុងជួយអ្នក ក្នុងពីរ ឬ បីថ្ងៃខាងមុខទៀតនឹងទទួលបានដំណឹង ។

ពីម៉ោង៧ ដល់ ម៉ោង៩ ៖ អ្នកនឹងមានភ្ញៀវមកលេង តែភ្ញៀវនេះមករំខានទេ គ្មានប្រយោជន៍ឡើយ ។

ពីម៉ោង៩ ដល់ ម៉ោង១១ ៖ នឹងមានអ្នកប៉ាវអ្នកញ៉ាំអី ។

ពីម៉ោង១១ ដល់ ម៉ោង១៣ ៖ ដំណឹងល្អនឹងបានគេនាំមកជូនអ្នកដល់កន្លែងតែម្ដង ។

ពីម៉ោង១៣ ដល់ ម៉ោង១៥ ៖ មានដំណឹងល្អហើយ ។

ពីម៉ោង១៥ ដល់ ម៉ោង១៧ ៖ អ្នកនឹងមានរឿងស្នេហា រឿងស្នេហាគួរឲ្យភ្ញាក់ផ្អើល ។

ពីម៉ោង១៧ ដល់ ម៉ោង១៩ ៖ ត្រៀមខ្លួនណា នឹងមានគេមករកអ្នកដើម្បីពិភាក្សារឿងអាពាហ៍ពិពាហ៍ ។

ពីម៉ោង១៩ ដល់ ម៉ោង២១ ៖ អ្វីដែលកំពុងប៉ងប្រាថ្នា នឹងបានសម្រេចក្នុងពេលឆាប់ៗខាងមុខ ។

ពីម៉ោង២១ ដល់ ម៉ោង២៣ ៖ នឹងមានភ្ញៀវជាអ្នកធំ អ្នកមានបុណ្យមកលេង ហើយជួយយកអាសាអ្នក ។

មិថុនរាសី (កើតនៅចន្លោះថ្ងៃទី២១ ខែឧសភា ដល់ថ្ងៃទី២១ ខែមិថុនា) ៖ កំប្លែង ស្រឡាញ់ងុប

អ្នកដែលកើតនៅក្នុងមិថុនរាសី គឺចាស់ទុំមុនអាយុ ។ ពួកគេមានចំណូលចិត្តមួយខុសប្លែកគេ គឺ ចូលចិត្តនៅតែម្នាក់ឯង ។ មានតែនៅម្នាក់ឯងតែមួយគក់ទើបធ្វើឲ្យអ្នកមិថុនរាសីមានអារម្មណ៍សុខស្រួល សប្បាយចិត្ត ចង់គិតអ្វីក៏បាន ។ គំនិតនេះហើយធ្វើឲ្យអ្នកមិថុនរាសីឯកោណាស់ ។

មិថុនរាសីជាមនុស្សមានបំណងប៉ងប្រាថ្នាច្រើនណាស់ក្នុងរឿងស្នេហា តែគេចេះរបៀបលាក់បាំងនូវការប៉ងប្រាថ្នារបស់ខ្លួន វាជាហេតុដែលភាគច្រើនពួកគេត្រូវបានយល់ច្រឡំថាជាមនុស្សកុហក បោកប្រាស់ក្នុងរឿងស្នេហា ។ មានតែពួកគេទេទើបដឹងថាពួកគេស្រឡាញ់ដៃគូដល់ថ្នាក់ណា ហើយទទួលបានត្រឹមតែឈឺចាប់ ។ មនុស្សជាច្រើនរិះគន់ពួកមិថុនរាសីជាមនុស្សសាវា ល្មោភស្នេហ៍ ប៉ុន្តែធាតុពិតពួកគេជាស្មោះស្ម័គ្រមែនទែន ។ ទោះបីជីវិតមិនទៀង មានការផ្លាស់ប្ដូរយ៉ាងណាក្ដី ពួកមិថុនរាសី នៅតែកក់ក្ដៅ និង វង្វេងនឹងស្នេហា ។ ពួកគេស្រឡាញ់សង្សារច្រើនណាស់ តែពុំសូវនិយាយឲ្យដៃគូដឹងទេ ។ ក្ដីស្រឡាញ់របស់ពួកគេមិនបានបង្ហាញចេញច្បាស់នោះទេ គឺត្រូវបិទបាំងដោយសកម្មភាពកំប្លែង សប្បាយៗ ។

ចំណេះដឹង និង ទេពកោសល្យកំប្លែងធ្វើឲ្យមិថុនរាសីមានអ្នកចូលចិត្តច្រើនណាស់ ហើយក៏មានអ្នកច្រណែនមិនតិចដែរ ។ ប្រសិនបើអ្នកមានសង្សារជាអ្នកមិថុនរាសី អ្នកនឹងដូចបុប្ផារីកក្នុងសួន ត្រជាក់ត្រជុំ សប្បាយរីករាយ មិនស្គាល់ឡើយសេចក្ដីទុក្ខព្រួយ ឬ អផ្សុកនោះទេ ។

ឧសភរាសី (កើតពីថ្ងៃទី២០ ខែមេសា ដល់ថ្ងៃទី២០ ខែឧសភា)

ឧសភរាសីជាប្រភេទមនុស្សបង្ហាញអារម្មណ៍របស់ខ្លួន ដោយមិនលាក់បាំងអ្វីនោះទេ ពេលគេមិនពេញចិត្ត គឺគេខឹង ហើយពេលគេមានរឿងសប្បាយ គឺគេសើចមិនបិទមាត់ឡើយ បញ្ចេញអារម្មណ៍បែបនេះ ភាគច្រើនគឺមិនបានទន់ភ្លន់ ហើយអាចធ្វើឲ្យគេអន់ចិត្ត ឬ យល់ច្រឡំទៀតផង ។ នៅពេលដែលមានការឈ្លោះប្រកែក អ្នកឧសភរាសីអាចមានពាក្យសំដីធ្វើឲ្យដៃគូឈឺចាប់ក្រៃលែង ។ ពេលដែលសប្បាយ គេឃើញថា ឧសភរាសីញញឹមប្រេមប្រិយ តែពេលដែលគេខឹងម្ដងៗ គ្មានអ្វីអាចធ្វើឲ្យគេហើបមាត់និយាយនោះទេ ។

ចំណុចខ្សោយបំផុតរបស់អ្នកឧសភរាសីគឺងាយទន់ចិត្ត ប្រសិនបើដៃគូចេះប្រើសំដីផ្អែម ហ៊ានសុំទោស ទោះទោសកំហុសមានធំប៉ុណ្ណាក៏ដោយ អ្នកឧសភរាសីអាចលុបចោលទោសភ័យនោះទាំងអស់ ។ ពួកគេក៏ខ្លាចឃើញអ្នកដទៃស្រក់ទឹកភ្នែកណាស់ អ្នកឧសភរាសីមិនត្រឹមតែអាណិតអាសូរទេ គេអាចនឹងទទួលរាល់សំណើរបស់ដៃគូ ឲ្យតែដៃគូកុំយំទៀត ។

អំពីចរិតវិញ អ្នកឧសភរាសីអាចគ្រប់គ្រងបានអារម្មណ៍របស់ខ្លួនល្អណាស់ ។ ពួកគេក៏គោរព និង ការពារភាពថ្លៃថ្នូររបស់អ្នកដទៃដែរ ។ អ្នកឧសភរាសីមិនចូលចិត្តកន្លែងប្លែកទេ ហើយគេក៏មិនចូលចិត្តកន្លែងមានមនុស្សច្រើនអ៊ូអរដែរ គេចូលចិត្តអង្គុយម្នាក់ឯងនៅកន្លែងស្ងាត់ៗ រួចគិតអំពីជីវិតនេះ ។

ជួនកាលភ្នែកខាងស្ដាំរបស់អ្នកកក្រើកញឹកញាប់ អ្នកមានការបារម្ភ មិនដឹងថាការកក្រើកភ្នែកស្ដាំនេះចង់ប្រាប់អ្នកនូវហេតុអ្វី ? សូមមើលអ្វីដែលនឹងកើតឡើងនៅពេលភ្នែកអ្នកកក្រើក តែសំខាន់ អ្នកត្រូវច្បាស់ថាកក្រើកនៅម៉ោងណាណា៎ !

មើលបន្ថែ ៖ កក្រើកភ្នែកខាងឆ្វែងមានហេតុអ្វី ?

ពីម៉ោង២៣ ដល់ម៉ោង១ ៖ មានស៊ីផឹក

ប្រសិនបើផ្នែកកក្រើកនៅម៉ោងនេះ មានន័យថា អ្នកនឹងបានស៊ីផឹក មានស្រា មានសាច់ ដោយមិនចាំបាច់បង់ខាតលុយកាក់ ពោលគឺមានអ្នកប៉ាវផឹកស៊ី ។

ពីម៉ោង១ ដល់ម៉ោង៣ ៖ មានញាត់រង់ចាំ

តើអ្នកពុំសូវទាក់ទងសួរសុខទុក្ខពុកម៉ែ បងប្អូនដែលឬទេ? ប្រសិនដូច្នោះ អ្នកគួរខលទៅសួរសុខទុក្ខពួកគាត់ ឬ ប្រសិនបើបានទៅលេងនឹងគាត់ ព្រោះពួកគាត់កំពុងនឹកដល់អ្នក ។

ពីម៉ោង៣ ដក់ ម៉ោង៥ ៖ នឹងទទួលបានដំណឹងល្អ

ប្រសិនបើអ្នកកំពុងរង់ចាំនូវអ្វីមួយ ចូរសប្បាយរីករាយចុះ អ្នកនឹងទទួលបានដំណឹងល្អទេ បើមានការកក្រើកភ្នែកនៅវេលានេះ ។

ពីម៉ោង៥ ដល់ ម៉ោង ៧ ៖ នឹងមានលាភដោយចៃដន្យ

អ្នកកំពុងដាច់លុយ ? ប្រសិនបើភ្នែកស្ដាំកក្រើកនៅពេលនេះ អ្នកនឹងទទួលបានលាភដោយចៃដន្យក្នុងពេលឆាប់ៗនេះ អាចថាត្រូវឆ្នោតក៏មិនខាន !!!

ពីម៉ោង៧ ដល់ ម៉ោង៩ ៖ ប្រយ័ត្នពាក្យសំដី

អ្នកត្រូវប្រយ័ត្នសំដីឲ្យមែនទែន បើមិនដូច្នោះទេ អ្នកអាចរងការចោទប្រកាន់ ឬ ប្ដឹងប្ដល់ដោយសារមានអ្នកចង់ចាប់កំហុសអ្នក ។

ពីម៉ោង៩ ដល់ ម៉ោង១១ ៖ ប្រយ័ត្នមានហិង្សា

នេះមានន័យថា មានជនមិនល្អ គេចង់រករឿងអ្នក អ្នកត្រូវខន្តីបំផុត បើមិនទេ អ្នកអាចរងការវាយគ្នា ឬ អំពើហិង្សាណាមួយពុំខាន ។

ពីម៉ោង១១ ដល់ ម៉ោង១៣ ៖ ប្រយ័ត្នគ្រោះថ្នាក់ ឬ ខាតទ្រព្យ

ត្រូវប្រយ័ត្នឲ្យមែនទែនណា៎ ប្រសិនបើភ្នែកស្ដាំរបស់អ្នកកក្រើកញឹកញាប់នៅពេលណាមួយក្នុងចន្លោះម៉ោងនេះ ។

ពីម៉ោង១៣ ដល់ ម៉ោង១៥ ៖ ខាតទ្រព្យតូច

អាចមានការខាតបង់ទ្រព្យសម្បត្តិ ឬ លុយកាក់អ្វីមួយ តែការខាតបង់នេះ មិនប៉ុន្មាននោះទេ កុំបារម្ភពេក !

ពីម៉ោង១៥ ដល់ ម៉ោង១៧ ៖ មានអ្នកភេទផ្ទុយនឹកដល់អ្នក

អ្នកមានគូហើយឬនៅ ? ទោះមានហើយ ឬ ពុំទាន់មាន ក៏មានអ្នកភេទផ្ទុយនឹងអ្នកកំពុងនឹកដល់អ្នក ប្រហែលជាមានណាត់គ្នាដើរលេងហើយទេដឹង ???

ពីម៉ោង១៧ ដល់ ម៉ោង ១៩ ៖ មានញាតិមកលេង

ត្រៀមអារម្មណ៍ និង សំអាតផ្ទះសំបែងជាស្រេចទៅណា៎ នឹងមានញាតិពីស្រុកឆ្ងាយមកលេងនឹងអ្នក ។

ពីម៉ោង១៩ ដល់ ម៉ោង២១ ៖ មានអ្នកបបួលដើរលេង

អ្នកចូលចិត្តដើរលេងទេ ? នឹងមានអ្នកមកបបួលអ្នកដើរលេង មិនដឹងថាទីជិត ឬ ទីឆ្ងាយទេ តែដឹងច្បាស់ថាគេនឹងប៉ាវអ្នកហើយ អ្នកមិនត្រូវចាយមួយរៀលណាឡើយ ។

ពីម៉ោង២១ ដល់ ម៉ោង២៣ ៖ មានរឿងរញ៉េរញ៉ៃ

ប្រសិនបើកក្រើកភ្នែកនៅចន្លោះម៉ោងនេះ អ្នកត្រូវត្រៀមខ្លួនចុះ ព្រោះអ្នកនឹងជួបរឿងអ្វីមួយរញ៉េរញ៉ៃដែលកើតមកពីពាក្យសំដីរបស់អ្នកពុំខាន ។

ទោះបីយ៉ាងណាក្ដី ជួនកាលភ្នែកកក្រើកមិនបានព្យាករណ៍អ្វីនោះទេ វាអាចជាផលដែលកើតមកពី ៖

១. ការបារម្ភច្រើន

២.ញ៉ាំកាហ្វេ ឬ ស្រា

៣. សរីរាង្គខ្វះជាតិរ៉ែ

៤. ភ្នែកស្ងួត

៥. គេងមិនគ្រប់គ្រាន់

ជួនកាលភ្នែកកក្រើកញឹកញាប់ មិនថាម៉ោងណា ពេលណានោះទេ វាអាចជារោគសញ្ញារបស់ជំងឺអ្វីមួយហើយ ចូរអ្នកទៅពិនិត្យនៅមន្ទីរពេទ្យដើម្បីជាសះស្បើយ ។

មេសរាសី (២១ មីនា ដល់ ១៩ មេសា) ៖ ក្លាហាន ចិត្តល្អ កក់ក្ដៅ

អ្នកដែលមានរាសីជាមេសរាសី ជាអ្នកស្មោះត្រង់ ចូលចិត្តនិយាយត្រង់ មិនចេះប្រើល្បិចអាក្រក់ឡើយ ។ ក្នុងរឿងស្នេហា ពួកគេជាមនុស្សចាស់ទុំ មិនចូលចិត្តលេងសើច តែចិត្តច្រើន ! ពួកអ្នកមេសរាសីខ្លាចភាពឯកោណាស់ ពួកគេស្រឡាញ់គ្រួសារ ហើយប្រើប្រាស់ទេពកោសល្យខាងកំប្លែងធ្វើឲ្យអ្នកជិតខាងបានសប្បាយជានិច្ច ។

តែមេសរាសីសើច មិនមានន័យថាពួកគេកំពុងសប្បាយនោះទេ ។ គេអាចធ្វើមុខស្រស់ ញញឹមប្រេមប្រិយដើម្បីលាក់បាំងអាថ៌កំបាំងរបស់ពួកគេ ។ គេមិនចង់ឲ្យនរណាខ្វល់អំពីគេនោះទេ គេក៏មិនត្រូវការការអាណិត ឬ យោគយល់ណាឡើយ ។ ប្រសិនបើអ្នកដឹងថាគេកំពុងមានរឿងមិនសប្បាយ អ្នកគួរឱបគេ ឬ ចែករំលែករឿងរបស់គេដោយភាពស្មោះត្រង់ ។

អ្នកដទៃឃើញមេសរាសីកក់ក្ដៅ ស្មានថាពួកគេងាយត្រូវបោកបញ្ឆោត ។ តាមពិតពួកគេពិតជា «មិនងាយស៊ី» ទេ ។ ទោះជាយ៉ាងណាក៏ដោយ ពួកគេតែងតែយកបេះដូងដើម្បីដោះស្រាយបញ្ញា ដោយមិនសូវចេះគិតរឿងតូចតាចច្រើនទេ ។ ជួនកាល មេសរាសីត្រូវរង់ការឈឺចាប់ ។ ពួកគេច្រើនគិតច្រើន ហើយក៏អាចរត់គេចខ្លួន ប្រសិនបើត្រូវគេប៉ះពាល់ដល់អារម្មណ៍ ឬ ពេលពួកគេមានអារម្មណ៍ថាត្រូវមើលងាយ ប្រមាថ ។